01
اقوام متحدہ کی سلامتی کونسل نے افغانستان میں خواتین پر عائد
پابندیوں کے خلاف قرارداد منظور کرلی۔خبر رساں ایجنسی کے مطابق سلامتی کونسل کے
تمام 15 اراکین کی جانب سے متفقہ طور پر منظور کی گئی قرارداد میں کہا گیا ہے کہ
اپریل کے شروع میں اعلان کردہ پابندی انسانی حقوق اور انسانی اصولوں کو مجروح کرتی
ہے۔کونسل نے طالبان حکومت سے مطالبہ کرتے ہوئے کہا ہے کہ ان پالیسیوں اور طریقوں
کو تیزی سے تبدیل کیا جائے جو خواتین اور لڑکیوں کے انسانی حقوق اور بنیادی
آزادیوں سے متصادم ہیں اور اُن پر پابندیاں عائد کرتی ہیں۔خبر رساں ایجنسی کے
مطابق قرارداد میں طالبان سے خواتین پر عائد تمام پابندیاں واپس لینے کا مطالبہ
کیا گیا ہے۔
02
اقوام متحدہ نے کہا ہے کہ دنیا کے غریب ترین ممالک کی 90 فیصد
خواتین اور کم عمر لڑکیوں کو انٹرنیٹ تک رسائی حاصل نہیں ، یہ صورتحال ان کی معاشی
ترقی پر منفی اثرات مرتب کرتی ہے۔برطانوی اخبار نے اقوامِ متحدہ کے بچوں کی فلاح و
بہبود کے ادارے یونیسیف کی رپورٹ کے حوالے سے بتایا ہے کہ دنیا کے
غریب ترین ممالک میں لڑکوں اور لڑکیوں کے انٹرنیٹ تک رسائی میں تفریق اور دیگر
مشکلات کے باعث یہ خدشہ ہے کہ خواتین دنیا میں معاشی تنہائی کا شکار ہوجائیں گی
جہاں انٹرنیٹ پر حد درجہ انحصار کیا جاتا ہے ، ڈیجیٹل مہارتوں میں لڑکیوں اور
خواتین کو اس کی دسترس سے باہر رکھا جا رہا ہے۔یونیسیف نے 54 کم آمدنی والے ممالک
میں ڈیٹا کے استعمال کا جائزہ لیا، اس کے مطابق غریب ترین ممالک میں تقریباً 78
فیصد نوجوان آف لائن ہیں ، جب موازنہ کیا جائے تو اس کا مطلب بظاہر یہ ہے کہ 15 سے
24 سال کے درمیان6کروڑ 50 لاکھ خواتین اور لڑکیاں ہے جبکہ مردوں میں یہ تعداد
5کروڑ 70 لاکھ ہے۔
03
ایک تبصرہ شائع کریں