پی ٹی آئی کو سیاسی جماعتوں کی فہرست سے نکالنے کی درخواست خارج


 لاہور: ) لاہور ہائیکورٹ نے پاکستان تحریک انصاف (پی ٹی آئی) کو سیاسی جماعتوں کی فہرست سے نکالنے کی درخواست خارج کر دی۔

درخواست گزار آفاق احمد ایڈووکیٹ نے چیئرمین الیکشن کمیشن اور سیکرٹری الیکشن کمیشن کو فریق بناتے ہوئے مؤقف اختیار کیا کہ پی ٹی آئی انٹراپارٹی انتخابات کو الیکشن کمیشن غیر قانونی قرار دے چکا ہے، پی ٹی آئی سے انتخابی نشان واپس لے لیا گیا ہے۔

آفاق احمد ایڈووکیٹ نے موقف اپناتے ہوئے استدعا کی ہے کہ اس وقت پارٹی کا کوئی عہدیدار موجود نہیں اور الیکشن کمیشن میں پی ٹی آئی نامی پارٹی کا کوئی وجود نہیں لہٰذا عدالت الیکشن کمیشن کو پی ٹی آئی کو سیاسی جماعتوں کی فہرست سے نکالنے اور پی ٹی آئی کے منتخب سینیٹرز کو آزاد سینیٹرز قرار دینے کا حکم دے۔

بعدازاں لاہور ہائی کورٹ نے آفاق احمد ایڈووکیٹ کی جانب سے دائر کی گئی درخواست ناقابل سماعت قرار دے کر خارج کر دی۔ 

0/Post a Comment/Comments

before post content

after post