سابق وزیر فواد چودھری کو جوڈیشل ریمانڈ پر جیل بھیج دیا گیا


 اسلام آباد:  اسلام آباد کی احتساب عدالت نے سابق پی ٹی آئی رہنما فواد چودھری کو جوڈیشل ریمانڈ پر جیل بھیج دیا۔

فواد چودھری کے وکیل نے ان کیلئے جیل میں بی کلاس سہولیات کی استدعا کرتے ہوئے ضمانت بعداز گرفتاری کی درخواست دائر کی۔

عدالت نے سابق وزیر فوادچودھری کی بی کلاس کی سہولیات کے حوالے سے درخواست منظور کرتے ہوئے انہیں جوڈیشل ریمانڈ پر جیل بھیجنے کا حکم دے دیا۔

جوڈیشل کمپلیکس میں میڈیا سے گفتگو کرتے ہوئے فواد چودھری کا کہنا تھا کہ ایران والے واقعے پر ساری قوم کو افواج پاکستان کے ساتھ کھڑے ہونے کی ضرورت ہے۔

انہوں نے کہا کہ اب الیکشن اور ذاتی ایشوز پیچھے رہ گئے، اس معاملے پر پوری قوم کو اکٹھا ہونا چاہیے اور ہم اکٹھے ہیں۔

0/Post a Comment/Comments