جلاؤ گھیراؤ کیس: صنم جاوید کے جسمانی ریمانڈ میں ایک روز کی توسیع


 لاہور: لاہور کی سیشن عدالت نے مسلم لیگ ن ہاؤس جلانے کے کیس میں ملزمہ صنم جاوید کے جسمانی ریمانڈ میں مزید ایک روز کی توسیع کر دی۔

دوران سماعت پولیس نے عدالے سے استدعا کی کہ ملزمہ صنم جاوید سے تفتیش اور برآمدگی کے لیے جسمانی ریمانڈ میں توسیع کی جائے۔

پہلے عدالت نے پولیس کی استدعا پر فیصلہ محفوظ کر لیا مگر بعدازاں محفوظ فیصلہ سناتے ہوئے ملزمہ صنم جاوید کے جسمانی ریمانڈ میں مزید ایک روز کی توسیع کا حکم دے دیا۔

دوسری جانب کمرہ عدالت میں میڈیا سے گفتگو کرتے ہوئے صنم جاوید نے کہا ہے کہ جس حلقے سے مریم نواز الیکشن لڑے گی اسی حلقے سے میں سامنے آؤں گی۔

صنم جاوید نے مزید کہا ہے کہ مجھے نہیں سمجھ آ رہا کہ ان کو ڈر کس چیز کا ہے، کاغذات بھی مسترد کرانے ہیں اور ضمانتیں بھی کینسل کرانی ہیں پھر کس چیز کا ڈر ہے۔ 

0/Post a Comment/Comments