خیبر پختونخوا: ضمنی بلدیاتی انتخابات، غیر حتمی نتائج جاری، 40 آزاد امیدوار کامیاب
پشاور: الیکشن کمیشن نے کے پی ضمنی بلدیاتی انتخابات کے غیر حتمی نتائج جاری کر دیئے، مختلف نشستوں کے 72 نشستوں پرغیرحتمی نتائج جاری کئے گئے، 40 آزاد امیدواروں نے کامیابی حاصل کی۔
الیکشن کمیشن کے مطابق خیبرپختونخوا کی 21 اضلاع میں ضمنی انتخابات ہوئے، جے یو آئی (ف) 6 جبکہ جماعت اسلامی نے 5 نشستیں حاصل کیں، اے این پی4، پیپلزپارٹی 2 جبکہ ٹی ایل پی کو ایک نشست ملی، انتخابات میں 40 آزد امیدوار کامیاب ہوئے۔
خیبر پختونخوا کے 21 اضلاع میں 65 ویلیج اور نیبرہڈ کونسلوں کی متعدد خالی نشستوں پر ضمنی بلدیاتی انتخابات ہوئے، ضلع پشاور، نوشہرہ، چارسدہ، خیبر، مردان، کوہاٹ، بنوں، لکی مروت، ڈی آئی خان، ٹانک، ایبٹ آباد، ہری پور، مانسہرہ، بٹ گرام، تورغر، سوات، شانگلہ، مالاکنڈ، دیر اپر، دیر لوئر اور باجوڑ اضلاع میں ضمنی بلدیاتی انتخابات کا انعقاد ہوا۔
پشاورمیں جمیعت علماء اسلام کے عنایت اللہ 1 ہزار 4 ووٹ کے ساتھ پہلے نمبر پر، پی ٹی آئی کے نامزد امیدوار خان ولی 658 ووٹوں کے ساتھ دوسرے نمبر پر رہے۔
ویلج کونسل ملک آباد سے جماعت اسلامی کے امیدوار نور زار خان نے 766 ووٹ لے کر کامیابی حاصل کی، ویلج کونسل نورانی یوتھ کونسلر سیٹ پر جماعت اسلامی کے امیدوار اویس 331 ووٹ لے کر کامیاب ہوئے۔
شبقدر کے ویلج کونسل میں حاجی زئی جنرل سیٹ پر آزاد امیدوار بادام گل 1304 ووٹ لے کر جیت گئے، شبقدر کے ویلج کونسل کتوزئی سے جماعت اسلامی کے امیدوار شریف گل نے 501 ووٹ لے کر کامیابی حاصل کی۔
لوئر دیر میں تیمرگرہ کی جنرل سیٹ پر پیپلز پارٹی کے عبدالرحیم 350 ووٹ لیکر کامیاب ہوگئے، جماعت اسلامی کے میاں شاکر اللہ 310 ووٹ لیکر دوسرے نمبر پر رہے، ویلج کونسل ڈھیری تالاش میں یوتھ کونسلر سیٹ پر پیپلز پارٹی کے حمید شہزاد نے 771 ووٹ حاصل کرکے کامیابی حاصل کی، جے یو آئی کے ذیشان علی 508 ووٹ لیکر دوسرے نمبر رہے۔
کوہاٹ میں ویلج کونسل رحمان آباد میں آزاد امیدوار تنویر انجم 570 ووٹ لیکر کامیاب، محمد بلال کو 542 ووٹ ملے، ویلج کونسل نصرت یوتھ نشست پر جماعت اسلامی کے صدیق اللہ 683 ووٹ لے کر کامیاب ہوئے، اکوڑہ خٹک ایوب آباد سے مسلم لیگ ن کےعالمگیرخان 422 ووٹ لیکر جیت گئے، ان کے مدمقابل مستمر شاہ 276 ووٹ لیکر دوسرے نمبر پر رہے۔
آزاد امیدوار اعجاز احمد 646 ووٹ لیکر بالا کوٹ کی ویلج کونسل پھاگل سے جنرل کونسلر منتخب ہوگئے، عبدالجلیل 589 ووٹ لیکر دوسرے نمبر پر رہے، محمد اسحاق 225 ووٹ لیکر کر تیسرے نمبر پر رہے، ڈیرہ اسماعیل خان کی درابن کلاں وارڈ نمبر1 میں جماعت اسلامی کے حمایت یافتہ امیدوار محمد بلال 921 لیکر کامیاب ہوگئے۔
پشاور کی ویلج کونسل 116 سے جمیعت کے عنایت اللہ 1004 ووٹ لیکر کامیاب، ویلج کونسل معروف زئی سوڑیزئی بالا میں عوامی نیشنل پارٹی کے امیدوار ملک اسد احمد 970 ووٹ لے کر کامیاب ہوگئے۔
ڈیرہ اسماعیل خان میں آزاد امیدوار ارسلان قاسم 601 ووٹ لے کر کامیاب ہوئے، آزاد امیدوار جلیل الرحمان 330 ووٹ لے کر دوسرے نمبر رہے، وی سی سگو جنوبی میں ازاد امیدوارغلام قاسم نے 1054 ووٹ لیکر میدان مار لیا، حیدرعلی نے 581 ووٹ لٸے، وی سی کڑی میں تحریک لبیک کے امیدوار خالد محمود نے 600 ووٹ لیکر میدان مارا ۔
این سی محلہ جوگیانوالہ میں ازاد امیدوار ارسلان قاسم نے 601 ووٹ لیکر جیت اپنے نام کی، جمیل الرحمان نے 330 ووٹ لٸے، این سی درابن ون کے ازاد امیدوار محمد بلال نے 916 ووٹ لیکر میدان مار لیا، ازاد امیدوارشیخ عزیر محمد نے 616 ووٹ لئے، وی سی گرہ گلداد میں ازاد امیدوار محمد عرفان 217 ووٹ لیکر جیت گئے، تحریک لبیک کے اکبر زمان 203 ووٹ لے سکے۔
ایک تبصرہ شائع کریں